இந்தியா, அமெரிக்கா மட்டுமல்ல, உலகம் முழுவதும் பெண் களுக்கு எதிரான வன்முறை அரங்கேறி வருகிறது என, அமெரிக்க பெண் தூதர் ஜெனிஃபர் பேசினார்.
பெண்களுக்கு எதிரான வன்முறையை ஒழிப்பது குறித்த ஒருநாள் பயிலரங்கு திருச்சி பிஷப் ஹீபர் கல்லூரியில் நடந்தது. அமெரிக்க தூதரக நிதி உதவியுடன் நடத்தப்பட்ட இந்த நிகழ்ச்சியில், திருச்சி மாவட்ட ஆட்சியர் ஜெயசிறீ முரளிதரன் தலைமை வகித்து பேசியதாவது:
பெண்களுக்கு எதிரான வன்முறையைத் தடுக்க சட்ட பாதுகாப்பு உள்ளது. இதை தடுக்க நம்மிடம் விழிப்புணர்வு வேண்டும். 2012ஆம் ஆண்டு திருச்சி மாவட்டத்தில் குழந்தை திருமண வழக்குகள்மட்டும் 40 பதிவாகி உள்ளன. இதற்கு வறுமை, அறியாமை மட்டுமல்ல, பெற்றோரின் பேராசை, சமூக அச்சுறுத்தல், கட்டமைப்புகள் தான் முக்கிய காரணம். இதை போக்க நாம் விழிப்புணர்வுடன் பணியாற்ற வேண்டும்.
இவ்வாறு அவர் பேசினார்.
அமெரிக்க தூதர் ஜெனிஃபர் பயில ரங்கை துவக்கி வைத்து பேசியதாவது:-
பெண்களுக்கு எதிரான வன்கொடுமை, இந்தியா, அமெரிக்க மட்டுமல்ல, உலகம் முழுவதும் நடக்கிறது. நாடு, ஜாதி, மதம், இனம், பொருளாதார நிலைக்கு ஏற்ப இதை வரையறை செய்ய முடியாது.
உலகளாவிய பிரச்சினையாக உள்ளது. சமூக உளவியல் பிரச்சினை மட்டுமல்ல, பொருளாதார பிரச்சினை ஏற்படுகிறது. இதை தடுக்க அரசு, தொண்டு நிறுவன அமைப்புடன் பெண்கள் இணைந்து செயல்பட வேண்டும். பாதுகாப்பு குறித்த விழிப்புணர்வை ஏற்படுத்த வேண்டும். இது குறித்து பெண்கள் ஆவலாக தெரிந்து கொள்ள வேண்டும்.
பெண்களுக்கு எதிரான கொடுமையை கட்டுப்படுத்த, ஆண்டுதோறும் லட்சக் கணக்கான டாலர்களை அமெரிக்கா செல வழிக்கிறது. இவ்வாறு அவர் பேசினார். குஜராத் மாநில முன்னாள் ஏடிஜிபி., கண்ணுப்பிள்ளை பேசுகையில், இந்தி யாவில் தான் கவுரவக் கொலைகள் நடக் கின்றன.
இதற்கு சமூக ரீதியான கட்ட மைப்பும், ஜாதி பிரச்சினையும் தான் கா ரணம். இதை ஒழிக்க, ஜாதி ஒழிய வேண்டும் என்றார். பாரதிதாசன் பல்கலை பேரா சிரியர் மணிமேகலை, மனோன்மணியம் சுந்தரனார் பல்கலை குற்றவியல் துறை பேராசிரியர் மாதவன், கல்லூரி முதல்வர் தயாபரன் உள்பட பலர் பங்கேற்றனர்.
0 comments:
Post a Comment