உடம்பில் அடிபட்டால் உடனடி சிகிச்சைகள்

நம் உடம்பில் இருக்கும் எலும்புகள் ஆரோக்கியமாக இருந்தால் தான் நாம் சுறுசுறுப்பாக அன்றாடப் பணிகளை குறைவின்றி செய்து முடிக்க முடியும். எனவே எலும்பு தொடர்பான பிரச்சினைகளில், பிறகு பார்த்துக்கொள்ளலாம் என்று அசட்டையாக இருக்கக்கூடாது. 

உடனுக்குடன் டாக்டரை பார்த்து ஆலோசனை பெற்று எலும்புகளில் ஏற்பட்டுள்ள பிரச்சினைகளை தீர்த்துவிட வேண்டும். இது தொடர்பான டிப்ஸ்களை பிரபல மருத்துவர் கமலி ஸ்ரீபால் வழங்கியுள்ளார். உங்கள் காலில் சுளுக்கா? அல்லது சற்று பலமான அடியா? PRICE முறையை கையாளுங்கள். 

P - Protection 
R - Rest 
I - Ice 
C - Compression 
E - Elevation 

Protect - பாதுகாத்தல் - பாதிக்கப்பட்ட இப்பகுதியினை மேலும் பழுதாகாமல் பாதுகாத்தல் வேண்டும். 

Rest - ஓய்வு - 48-72 மணிநேரம் அதாவது 2 முதல் 3 நாட்கள் பாதிக்கப்பட்ட பகுதிக்கு ஓய்வு கொடுங்கள். 

Ice - ஐஸ் கட்டி - குளிர் ஒத்தடம் 2 முதல் 3 நாட்களுக்கு கொடுங்கள். உடைத்த ஐஸ் கட்டிகளை ஒரு டவலிலோ அல்லது பாலித்தீன் கவரிலோ பாதிக்கப்பட்ட பகுதியில் சுமார் 15 நிமிடங்கள் ஒத்தடம் கொடுங்கள். 

இதனை நாள் ஒன்றுக்கு 4 - 5 முறை செய்யுங்கள். ஐஸ் பையினை அப்படியே பாதிக்கப்பட்ட பகுதி மீது வைத்து விடாதீர்கள். இது அதிக குளுமையினால் காயத்தை ஏற்படுத்தும். 

Compress - அழுத்தம் - எலாஸ்டிக் அல்லது பேன்டேஜ் கொண்டு அதிக இறுக்கம் இல்லாமல் சுற்றி விடுங்கள். இது ரத்த ஓட்டத்தினை தடை செய்யும்படி இருக்கக்கூடாது. இரவு தூங்கப் போவதற்கு முன் அதனை கழட்டி விடுங்கள். 

Elevation - காலை சற்று உயர வைத்தல். இரண்டு தலையணை வைத்து காலை அதன் மீது தூக்கி வைத்துக் கொள்ளுங்கள். 

* அடிபட்ட மூன்று நாட்களுக்குள் சூடு ஒத்தடம், மசாஜ், அடிபட்ட இடத்தில் வெந்நீர் ஒத்தடம் கொடுத்தல் போன்றவை பாதிப்பினை அதிகப்படுத்தி விடும். 

நீங்கள் கீழே விழுந்து விட்டீர்களா?

எலும்பு முறிவு என அச்சமாக இருக்கிறதா? அதற்கான அறிகுறிகள். 

* தாங்கமுடியாத வலியும், வீக்கமும். 

* மாறுபட்ட நிறம். 

* நகர்த்த முடியாமை, நகர முடியாமை. 

* அடிபட்ட இடத்தில் வித்தியாசமான வளைவு, தொய்வு. உடனடியாக எலும்பு மருத்துவரை அணுகவும். 

எலும்பின் அதிசயம்!

* உடலில் உள்ள 206 எலும்புகளில் பாதிக்கு மேல் கை, கால்களில் தான் உள்ளன. 52 எலும்புகள் பாதங்களில் உள்ளன. 

* ஒருவரின் வாழ்நாளில் ஒவ்வொரு பாதமும் பூமியை, சுமார் 10 மில்லியன் முறை தரையில் தொடுகின்றது (நடப்பது, ஓடுவது, குதிப்பது) இவை அனைத்தும் இதில் அடங்கும். 

* முகத்தில் 14 எலும்புகளும், 54 எலும்புகள் இரண்டு கைகளிலும் உள்ளது. காதில் உள்ள எலும்பு மிக மிக சிறியது. 2.5 மில்லி மீட்டர் நீளம் உடையது. 

* எந்த உடற்பயிற்சி, இதயத் துடிப்பினை கூட்டி, ரத்த ஓட்டத்தினை தூண்டி நன்கு மூச்சு விடச் செய்கின்றதோ, அதனை ஏரோபிக்ஸ் என்கிறோம். இது இசையோடு ஒத்துச் செய்யப்படுவதால், மனதினையும் மகிழ்ச்சியாக வைக்கின்றது. இவ்வகையான உடற்பயிற்சி 

* இருதயம், ரத்த ஓட்டம், நுரையீரலை சீர் செய்கின்றது. 

* உடல் எடை குறைய உதவுகின்றது. 

* உடல் இயக்கம் எளிதாகின்றது. 

* சதைகள் ஆரோக்கியத்துடனும், இளமையுடனும் இருக்கின்றன. 

* எலும்பின் உறுதி நிலைக்கும்.