பாசிப்பயிறு வெஜிடபிள் தோசை

தேவையான பொருட்கள்: 

பாசிப்பயிறு - 2 கப், 
கோதுமை ரவை - 1கப், 
பச்சை மிளகாய் - 3, 
காய்ந்த மிளகாய் - 4, 
சீரகம் - 1 ஸ்பூன், 
உப்பு - தேவையான அளவு 

வெஜிடபிள் செய்ய தேவையானவை : 

கேரட், பீன்ஸ், உருளைக்கிழங்கு, பச்சை பட்டாணி நறுக்கிய கலவை - 1கப், 
வெங்காயம் - 1 
பச்சை மிளகாய் - 3,  
உப்பு - தேவையான அளவு, 
கடுகு, சீரகம் - தாளிக்க 

செய்முறை : 

• வெங்காயம், ப.மிளகாயை பொடியாக நறுக்கவும். 

• கடாயில் 2 ஸ்பூன் எண்ணெய் விட்டு கடுகு, சீரகம், பச்சை மிளகாய் போட்டு தாளித்து வெங்காயம் சேர்த்து வதக்கவும். 

• நன்கு வதங்கியதும், அதில் காய்கறிகளை ஒவ்வொன்றாகச் சேர்த்து நன்கு வதக்கவும். தண்ணீர் சேர்க்க வேண்டாம். காய்கள் நன்கு வெந்ததும், அதில் உப்பு சேர்த்துக் கிளறி தனியாக வைக்கவும். 

தோசை செய்முறை : 

• பாசிப்பயிறை 3 மணி நேரம் ஊறவைத்து, அதோடு, சீரகம், மிளகாய் சேர்த்து நன்கு மிருதுவாக தோசை மாவு பதத்திற்கு அரைக்கவும். 

• அதில் கோதுமை ரவையைக் கலந்து 1/2 மணி நேரம் ஊறவிடவும். 

• தோசைகல்லை அடுப்பில் வைத்து காய்ந்ததும் தோசை மாவை ஊற்றி அதன் மேல் தயாரித்து வைத்துள்ள காய்கறி கலவையை வைத்து சிறு தீயில் தோசை செய்து சூடாக தேங்காய் சட்னியுடன் பரிமாறவும்.