ஓட்ஸ் வெஜிடபுள் சப்பாத்தி

தேவையான பொருட்கள்: 

கோதுமை மாவு - 1 கப் 
ஓட்ஸ் - 3/4 கப் 
கடலை மாவு - 1/2 கப் 
கேரட் - 1 
வெங்காயம் - 1 
பச்சை மிளகாய் பேஸ்ட் - 1 டீஸ்பூன் 
கொத்தமல்லி - 3 டேபிள் ஸ்பூன் 
மல்லி தூள் - 1 1/2 டேபிள் ஸ்பூன் 
சீரகப் பொடி - 1/2 டீஸ்பூன் 
மிளகாய் தூள் - 1/2 டீஸ்பூன் 
உப்பு - தேவையான அளவு 
தயிர் - 1/4 கப் 
எண்ணெய் - 3 டேபிள் ஸ்பூன் 

செய்முறை: 

• ஓட்சை வெறும் கடாயில் போட்டு சிறிது வறுத்து பொடித்து கொள்ளவும். 

• கேரட்டை துருவிக் கொள்ளவும் 

• கொத்தமல்லி, வெங்காயத்தை பொடியாக நறுக்கவும். 

• முதலில் ஒரு பௌலில் எண்ணெய் தவிர்த்து, அனைத்து பொருட்களையும் போட்டு, 10 நிமிடம் மென்மையாக பிசைந்து அரை மணி நேரம் ஊற வைக்கவும். 

• பின்னர் அதனை சிறு உருண்டைகளாக உருட்டி, சப்பாத்தி போன்று தேய்த்து, ஒரு தட்டில் தனியாக வைத்துக் கொள்ள வேண்டும். பிறகு ஒரு தோசைக்கல்லை அடுப்பில் வைத்து, அதில் எண்ணெய் தடவி, தேய்த்து வைத்துள்ள சப்பாத்திகளை ஒவ்வொன்றாக போட்டு, முன்னும் பின்னும் பொன்னிறமாக வேக வைத்து எடுத்தால், ஓட்ஸ் வெஜிடேபிள் சப்பாத்தி ரெடி!!!