அணிந்து கொள்ள சவுகரியம், எப்போதும் பாதுகாப்பு என்ற அடிப்படையில் ஜீன்ஸ் போன்ற சிறந்த உடை வேறு எதுவுமில்லை என்று கூறுகின்றனர் 'ஜீன்ஸ் கன்னியர்!' ஒரே ஒரு ஜீன்ஸ் இருந்தாலும் போதும், டி-சர்ட், ஷார்ட் டாப்ஸ், சல்வாருக்கு போடும் குர்தா என்று எதையும் மேலாடையாக போட்டுக் கொண்டு கலக்கலாம்.
ஜீன்ஸ் அணிவதற்கு பதிலாக சல்வார் மற்றும் சுடிதார் அணிந்தால், துப்பட்டாவை பாதுகாப்பாக பிடித்துக் கொள்ளவே நேரம் போதாது. இதற்கிடையில் கையில் வேறு ஏதாவது பொருட்கள் இருந்தாலோ அல்லது சாலையில் நடந்து சென்றாலோ இன்னும் கவனமாக இருக்க வேண்டும் என்பதால் இயல்பு நிலை மாறிவிடும்.
ஆனால் ஜீன்ஸ் போட்டால் இப்படி எந்தக் கவலையும் இல்லை. கால்களை இறுக்கிப் பிடிக்கின்ற 'ஸ்கின்னி ஜீன்ஸ்' இன்றைய இளம்கன்னியரின் 'பேவரைட் சாய்ஸ்'. 35 வயதைக் கடந்த பெண்கள்கூட 'ஸ்கின்னி ஜீன்ஸ்'-ஐ விரும்பி அணிகின்றனர். குறிப்பாக ஒல்லியாக இருக்கும் பெண்களுக்கு இந்த 'ஸ்கின்னி ஜீன்ஸ்' மிகப் பொருத்தமாக இருக்கிறது.
ஜீன்ஸ் வாங்கும்போது கவனிக்க வேண்டியவை....
உங்களுடைய சைஸில் எல்லா பிராண்ட் ஜீன்ஸ்களிலும் இருக்காது. ஒவ்வொரு பிராண்ட்டுக்கும் சைஸ் அளவு மாறுபடும்.
ஆதலால் ஜீன்ஸ் வாங்கும்போது... அணிந்து பார்த்து வாங்குவது நல்லது. ஜீன்ஸ் பின்பகுதியில் பாக்கெட் பெரிதாக இருந்தால் வாங்க வேண்டாம். இதனால் அந்த ஜீன்ஸ் அணிந்தவரின் பின்பகுதி பெரியதாக தெரியும். சின்ன பாக்கெட் இருந்தாலும் பரவாயில்லை...
பாக்கெட் இல்லாத ஜீன்ஸ் மிகவும் நல்லது. அதேபோல், கீழே தள்ளியும் பாக்கெட் இருக்கக் கூடாது. ஜீன்ஸ் கடைசி பகுதி பாதங்களைத் தொட்டு இருக்கலாம். ஆனால் மிகவும் நீளமாக இருக்கக் கூடாது.
0 comments:
Post a Comment