இளம் பெண்கள் ஆரோக்கியத்திற்காக செய்ய வேண்டிய பரிசோதனைகள்

சர்க்கரை பரிசோதனை: 

தொடர்ந்து தாகமாக இருத்தல், அடிக்கடி சிறுநீர் கழிக்கத் தூண்டுதல், திடீரென்று அதிகமாகப் பசி எடுத்தல், தாங்க முடியாத களைப்பு, மயக்க உணர்வு, பார்வை மங்குதல், குமட்டல் போன்றவை இந்தப் பரிசோதனையை செய்யச் சொல்லும் அறிகுறிகளாகும். ரத்தப் பரிசோதனையில் சில நிமிடங்களில் இதன் முடிவைத் தெரிந்துகொள்ள முடியும். 

தைராய்டு பரிசோதனை: 

எடை அதிகரித்தல், சோம்பல், மாதவிடாய் தவறி வருதல், கழுத்துப் பகுதியில் வீக்கம் ஏற்படுதல் போன்றவை இந்த பரிசோதனையைச் செய்ய வேண்டும் என்று காட்டும் அறிகுறிகளாகும். தைராய்டின் அளவு அதிகமாக இருப்பதையோ (hyperthyroidism) அல்லது குறைவாக இருப்பதையோ (hypothyroidism) பரிசோதிக்கவே இந்தப் பரிசோதனை செய்யப்படுகிறது. இந்த இரண்டு வகை பிரச்சினைகளுமே இந்திய நகரங்களில் பரவலாக காணப்படுகின்றன. 18 வயதை அடைந்த இளம் பெண்கள் அனைவரும் இப்பரிசோதனை செய்துகொள்ள வேண்டும். 

'பாப் ஸ்மியர்' பரிசோதனை: 

அறிகுறிகளுக்காகக் காத்திருக்காமல் 25 வயதை அடைந்த அனைத்து பெண்களும் செய்து கொள்ள வேண்டிய பரிசோதனை இது. பெண்களின் இனப்பெருக்க உறுப்புகளில் புற்று நோய் வருவதைத் தடுக்க இந்தப் பரிசோதனை செய்யப்படுகிறது. 

இது ஓர் எளிய பரிசோதனையாகும். பெண்களின் கருப்பையில் இருந்து செல்களை சேகரித்துக் கொண்டு, அதனை ஆய்வுக் கூடத்தில் வைத்து பரிசோதித்து முடிவுகளை கொடுப்பார்கள். குடும்பத்தின் அச்சாணியாக உள்ள பெண்கள், தங்களைக் காத்துக்கொண்டு, தங்களைச் சார்ந்த வர்களையும் காக்க வேண்டும்!